एजेन्सी । बङ्गलादेशमा हालसम्म चार लाख सात हजार ६८४ जनामा कोरोना संक्रमण भएको छ । विगत २४ घण्टामा एक हजार ३२० जना कोभिड–१९ सङ्क्रमित थपिए सँगै संक्रमितको कुल संख्या चार लाख सात हजार ६८४ जना पुगेको यहाँको स्वास्थ्य सेवा महानिर्देशनालयले जनाएको छ ।

सरकारी तथ्याङ्क अनुसार बङ्लादेशमा पछिल्लो २४ घण्टामा कूल ११ हजार ५३२ कोभिड–१९ को नमूना परीक्षण भएको छ । यहाँ अहिलेसम्म कोभिड–१९ सङ्क्रमण भई निको भएका विरामीको सङ्ख्या तीन लाख २४ हजार १४५ पुगेको छ ।

आज एक हजार ४४२ जना कोरोना सङ्क्रमणमुक्त भएका महानिर्देशनालयले जानकारी दिएको छ । बङ्गलादेशमा कोभिड–१९ सङ्क्रमितमध्ये मृत्युदर १.४५ प्रतिशत रहेको छ भन् ७९.५१ प्रतिशत सङ्क्रमणमुक्त भएका छन् ।