हुम्ला । हुम्लाको सिमकोटका विद्यालयमा आजदेखि पढाइ हुन थालेका छन् । कोरोना महामारीले सात महिनादेखि बन्द विद्यालयहरुमा सामाजिक दूरी कायम गरी आजबाट पढाइ हुन थालेका हुन् ।

पालिकामा सामुदायिक र निजी गरी २८ विद्यालय छन् । जिल्ला सदरमुकाम सिमकोटमा रहेका मानसरोवर, बालमन्दिर, भीमसेन र कालाशील्तालगायत सामुदायिक विद्यालयले आफ्नै खर्चमा मास्क र सेनिटाइजरको प्रबन्ध गरेका छन् ।
हुम्लामा कोरोना संक्रमण शून्य
हुम्ला जिल्लामा आजदेखि कोरोना संक्रमण शून्य रहेको छ । सशस्त्र प्रहरी बलका एक संक्रमितमा कोरोना नेगेटिभ भएसँगै हुम्लामा संक्रमितको संख्या शून्य  भएको जिल्ला अस्पतालका सिनियर अनमी सरिता बोहराले जानकारी दिनुुभयो ।

हुम्लामा हालसम्म ९ जनामा कोरोना संक्रमण देखिएको थियो भने उनीहरु सबैको रिर्पोट नेगेटिभ आएको छ ।