काठमाडौँ । गायिका अनु चौधरीको स्वर रहेको गीत ‘सुनन ए मायालु’ सार्वजनिक गरिएको छ । तुलाधर लामिछानेको शब्द तथा पवन परियारको संगीत तथा एरेञ्ज रहेको गीत स्याङ्जा म्युजिक युट्युब च्यानलबाट सार्वजनिक भएको हो । गीतको भिडियोमा पुष्कर राउत र स्मारिका ढकाल फिचर्ड छन् । मुभि पोइन्टले निर्माण गरेको भिडियोमा सुरेश पाण्डेको कोरियोग्राफी, रामेश्वर हुमागाईको छायाङ्कन, बन्दे प्रसाद र प्रविन ढकालको सम्पादन छ ।

भिडियोका निर्देशक सुरेश पाण्डे हुन् । भिडियोमा बिरामी परेका प्रेमीका लागि एउटी प्रेमीले स्वास्थ्य लाभका लागि गरेको संघर्ष देखाइएको छ ।