जेद्दाह । साउदी अरबमा यतिबेला अमेरिका र युक्रेनी टोलीले शान्ति वार्ता गरिरहेका छन् । रुसको मस्कोमा दर्जनौँ ड्रोन खसालेर तीन जना मारेको केही घण्टापछि भएको वार्तालाई युक्रेनी टोलीका प्रमुख तथा राष्ट्रपति भोलोदिमिर जेलेन्स्कीका शीर्ष सहायक एन्ड्रई येर्माकले निकै सकारात्मक भनेका थिए । ब्रेकपछि वार्ता पुनः सुचारु भएको छ ।

‘हामी त्यहाँ पुग्नै लागेका छौँ,’ एक अमेरिकी प्रतिनिधिले भनेका छन् । युक्रेनीहरूले भने यसलाई ‘वर्क इन प्रोग्रेस’ भनेका छन् । वार्तामा येर्माकको साथमा युक्रेनी रक्षा मन्त्री र विदेशमन्त्री छन् ।

अमेरिकाको तर्फबाट राष्ट्रिय सुरक्षा सल्लाहकार माइक वाल्ट्ज र विदेशमन्त्री मार्को रुबियो सहभागी भएका छन् ।