काठमाडौँ । सिराहामा आफ्नो बुवालाई कुटेर हत्या गरेको आरोपमा प्रहरीले मृतकको छोरालाई पक्राउ गरेको छ । औरही गाउँपालिका वडा नम्बर–३ खजनपुर घर भएका ३८ वर्षीय शैलेन्द्र्रकुमार यादवलाई पक्राउ गरिएको जिल्ला प्रहरी कार्यालय सिराहाका डीएसपी मुक्तिनाथ सापकोटाले बताए ।

असोज ७ मा उनको ६५ वर्षीय बुवा भालेश्वर यादवको हत्या गरेका हुन् । जेठो छोरा शैलेन्द्र र ३५ वर्षीय बुहारी रेणुकुमारी यादवले घरायसी विवादमा कुटेर भालेश्वरको हत्या गरेको प्रहरीको प्रारम्भिक अनुसन्धान निष्कर्ष छ ।