काठमाडौँ ।  बाघको आक्रमणमा परी पर्सामा एक जनाको ज्यान गएको छ।बाघको आक्रमणबाट पटेर्वासुगौली गापालिका- २ थरुहटी बस्ने ३२ वर्षीय मनोज राउत धागडको ज्यान गएको हो।आइतबार साँझ ६ बजे गाउँ नजिकैको जंगलमा शौच गर्न जाँदा बाघले आक्रमण गर्दा मनोजको मृत्यु भएको प्रहरीको प्रारम्भिक अनुसन्धानबाट खुलेको छ।

घटनाको बारेमा थप अनुसन्धान भइरहेको इलाका प्रहरी कार्यालय पटेर्वासुगौलीले जानकारी दिएको छ।