काठमाडौं । नेपाली कांग्रेसको शेखर–गगन पक्षले ‘वृहत’ भेला आयोजना गरको छ ।
संस्थापनइतर समूहले आज दिउँसो एक बजे बत्तिसपुतलीस्थित अनुपम फुडल्याण्डमा भेला आयोजना गर्न लागेको हो ।
मंगलबार बस्ने भनिएको यो बैठक आजका लागि सारिएको हो । समूहमा विवाद भएपछि महामन्त्री थापा पक्ष पनि सहभागी हुने गरी बैठक आजका लागि सारिएको हो ।
भेलामा समूहमा रहेका पदाधिकारी, केन्द्रीय सदस्य, सांसद, प्रदेश सभापति, महाधिवेशनमा प्रतिस्पर्धा गरेका उम्मेदवार लगायत सहभागी हुनेछन् ।
यसअघि लामो समयदेखि यो समूहको यस प्रकृतिको भेला हुन सकेको थिएन । करिब एक वर्षपछि बस्न लागेको हो । गत वर्षको माघमा संस्थापनइतर समूहले यस्तै भेला आयोजना गरेको थियो ।
यो भेलामा आसन्न महासमिति बैठक, राष्ट्रिय सभा निर्वाचन, सरकारको प्रभावकारिता, सुशासनलगायतका विषयमा छलफल हुनेछ ।
सम्बन्धित समाचार
थप
ताजा अपडेट
चर्चित
