काठमाडौं । त्रिभुवन विश्वविद्यालयमा आबद्ध कर्मचारीहरुले कार्यलयमा हाजिर हुनु पहिले पिसिआर परीक्षणको रिपोर्ट देखाउनुपर्ने भएको छ । कोरोना संक्रमण देखिएका कर्मचारीले हाजिर गर्नु पहिले कोरोना नेगेटिभ आएको रिपोर्ट देखाउन त्रिवि रेक्टर कार्यालयले निर्देशन दिएको हो ।

त्रिवि रेक्टर कार्यालय अन्तर्गत अनुसन्धान निर्देशनालयले आज कार्यालय पुगेका कर्मचारीलाई पिसिआर परीक्षणको रिपोर्ट माग गर्दै हाजिर गर्नबाट रोक लगाएको एक कर्मचारीले बताएका छन् ।

निर्देशनालयका डाइरेक्टर उमेश मण्डलका अनुसार पहिले कोरोना देखिएका कर्मचारीका हकमा मात्रै कोरोना नेगेटिभ आएको रिपोर्ट देखाउन भनिएको हो ।