काठमाडौं । पछिल्लो २४ घण्टामा थप २ हजार १ सय ८ जना कोरोना संक्रमित संक्रमणमुक्त भएका छन् । देशका विभिन्न आइसोलेसनबाट उनीहरू निको भएर घर फर्किएका स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिनुभयो ।
योसँगै नेपालमा ९६ हजार ६ सय ९ जना संक्रमित उपचारपछि निको भएका छन् । मन्त्रालयका अनुसार संक्रमणमुक्त हुनेको संख्या ६९ दशमलभ ४ प्रतिशत रहेको छ । हालसम्म प्रदेश १ मा – ७ हजार ९९३,प्रदेश २ मा – १५ हजार ६४९,बाग्मती प्रदेशमा –४४ हजार २५७,गण्डकी प्रदेशमा –४ हजार ८३३, लुम्बिनी प्रदेशमा –१२ हजार ६७, कर्णाली प्रदेशमा –३ हजार ८९१ र सुदूरपश्चिम प्रदेशमा ७ हजार ९१९ जना डिस्चार्ज भएका छन् ।
यस्तै विगत २४ घण्टामा १३ हजार ८६१ जनाको पिसिआर परीक्षण गर्दा ३ हजार ९३ जनामा कोरोना संक्रमण देखिएको छ । जसमध्ये काठमाडौं उपत्यकाका १ हजार ७०२ रहेका छन् ।
स्वास्थ्य तथा जनसंख्या मन्त्रालयका अनुसार काठमाडौंमा १ हजार ४३१ , ललितपुरमा १२३ र भक्तपुरमा १४८ जनालाई कोरोना संक्रमण देखिएको छ । यो सँगै कुल संक्रमितको संख्या १ लाख ३९ हजार १२९ जना पुगेको छ । आज देशभर ४१ हजार ७७५ जना सक्रिय संक्रमित छन् ।
यसैवीच पछिल्लो २४ घण्टामा थप ८ जनाको मृत्यु भएको छ । योसँगै कोरोना संक्रमित मृतकको संख्या ७६५ पुगेको छ ।
