काठमाडौं । सरकारले भारतसँगको सीमा नाकाबाट आवतजावतमा कात्तिक मसान्तसम्मका लागि कडाइ कायमै राख्ने निर्णय गरेको छ । मन्त्रिपरिषद् बैठकले नेपाल–भारत सीमा भएर हुने आवतजावतमा लगाइएको कडाइलाई लम्ब्याउने निर्णय गरेको हो ।

अन्तर्राष्ट्रिय सीमा नाकामा कडाइ गरेर आन्तरिक यातायात र व्यवसाय सञ्चालनलाई भने केही खुकुलो पार्ने निर्णय पनि सरकारले गरेको छ । भारतमा दिनदिनै कोरोना संक्रमित बढिरहेको छ ।

त्यस्तै भारतबाट आएका व्यक्तिहरूमा पनि कोरोना संक्रमण देखिएकाले कडाइको अवस्था कायमै राखिने निर्णय सरकारले गरेको हो । यस अघि नेपाल र भारतको सीमा भएर हुने आवतजावतमा केही खुकुलो पारिएको थियो ।