नेपालगन्ज । बाँकेको भेरी अस्पताल नेपालगन्जमा उपचाररत एक कोरोना संक्रमितको मृत्यु भएको छ ।

दैलेख घर भई नेपालगन्ज कोरियनपुरमा बस्दै आएका ६० वर्षीय पुरुषको आज साँझ मृत्यु भएको जिल्ला स्वास्थ्य कार्यालय कोरोना फोकल पर्सन नरेश श्रेष्ठले जानकारी दिनुभयो ।

असोज १५ गते कोरोना पुष्टि भएका ती पुरुषलाई लामो समयदेखि मधुमेह, उच्च रक्तचाप र मुटुरोगको समस्या थियो । जिल्ला स्वास्थ्य कार्यालय बाँकेका कोरोना फोकल पर्सन श्रेष्ठका अनुसार जिल्लामा कोरोनाबाट मृत्यु हुनेको संख्या २० पुगेको छ ।