काठमाडौं । नेपालमा थप १ हजार ५१३ जनामा कोरोना संक्रमण पुष्टि भएको छ ।

देशभरका प्रयोगशालामा गरिएको १० हजार ८९१ नमुना जाँचमध्ये १ हजार ५१३ जनामा संक्रमण देखिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिनुभयो । योसँगै संक्रमितको संख्या ७६ हजार २५८ पुगेको छ ।

देशभर २० हजार ३९६ जना सक्रिय संक्रमित रहेको पनि मन्त्रालयले जनाएको छ ।

यसैवीच कोभिड –१९ संक्रमणबाट १० जनाकोे मृत्यु भएको स्वास्थ्य मन्त्रालयले पुष्टि गरेको छ । नेपालमा अहिलेसम्म ४९१ सङ्क्रमितको मृत्यु भएको छ ।